“პარი სენ ჟერმენის” ბრაზილიელი თავდამსხმელის ნეიმარის მამა, რომელიც ფეხბურთელის აგენტიც გახლავთ, ამბობს, რომ მისი შვილის გადაწყვეტილება პარიზულ კლუბში გადასვლასთან დაკავშირებით მოულოდნელი იყო.

“ნეიმარის გადაწყვეტილება პსჟ-ში გადასვლის თაობაზე ჩემთვის სიურპრიზი იყო. მე ვუთხარი, რომ ის “ბარსელონაში” თუ დარჩებოდა, უკეთესი იქნებოდა. მისი მეგობრები: მესი, სუარესი, რაკიტიჩი და პიკე შეეცადნენ გადაერწმუნებინათ, თუმცა მან დარჩენას გადასვლა ამჯობინა, რადგან ახალი გამოწვევები მიეღო” - აცხადებს ნეიმარის მამა.

შეგახსენებთ, რომ ბრაზილიელის ტრანსფერი პარიზულ კლუბს 222 მილიონი ევრო დაუჯდა და ნეიმარი ფეხბურთის ისტორიაში ყველაზე ძვირადღირებული ფეხბურთელი გახდა.