ბელგიური "გენტის" მთავარ გუნდში დებიუტი ჰქონდა გიორგი ჩაკვეტაძეს. 18 წლის ქართველმა ფეხბურთელმა იუპერ ლიგის მეცხრე ტურში "ბრიუგეს" წინააღმდეგ პირველად ითამაშა ბელგიის მთავარ ლიგაში. იან ვანჰაეზებრუკმა ჩვენებური თამაშში 83-ე წუთზე დანიელ მილიჩევიჩის ნაცვლად ჩართო.

მოგეხსენებათ, ჩაკვეტაძე "გენტში" ერთი თვის წინ "დინამოდან" გადავიდა. მას შემდეგ გიორგი ერთხელ მოხვდა პირველი გუნდის განაცხადში, თუმცა არ უთამაშია. მერე იყო დუბლი 21-წლამდელთა გუნდში. ახლა კი, უკვე პირველ გუნდშიც დაუთმეს დრო.

უშუალოდ მატჩს რაც შეეხება, "ბრიუგემ" 2:1 მოიგო. "გენტი" მიმდინარე სეზონს ძალიან ცუდად ატარებს და 9 ტურის შემდეგ 6 ქულით მე-14 პოზიციაზე იმყოფება.