დასრულდა ევრობასკეტ 2017-ის ჯგუფური ეტაპის მატჩები. გათამაშების პირველი ეტაპის დასკვნით სათამაშო დღეს C ჯგუფის სამი შეხვედრა გაიმართა. ტურნირის უმთავრესი ფავორიტი ესპანეთის ნაკრები უნგრეთს დაუპირისპირდა და როგორც მოსალოდნელი გახლდათ, იოლად იმარჯვა.
“ლა როხამ” პირველი ტაიმი 12-ქულიანი სხვაობით მოიგო, ხოლო მეორე ნახევარში ეს უპირატესობა კიდევ გაზარდა და საბოლოოდ 64:87 იმარჯვა. საუკეთესო მოთამაშე პაუ გასოლი იყო, რომელმაც 20 ქულა, 8 მოხსნა და 2 გადაცემა დააგროვა და ევრობასკეტის ისტორიაში ყველაზე შედეგიანი მოთამაშე გახდა. მისმა ძმამ მარკმა 10 ქულას, 6 მოხსნას და 2 გადაცემას მოუყარა თავი, ხოლო სერხიო როდრიგესი 15 ქულით, 1 მოხსნით და 7 გადაცემით გამოირჩა. უნგრეთიდან გამორჩეული კრაბა ფენერჩი იყო – 17 ქულა, 3 მოხსნა, 1 გადაცემა.
მონტენეგროს ნაკრებმა აუტსაიდერი რუმინეთი დამაჯერებლად დაამარცხა და მესამე ადგილზე გავიდა, ხოლო ხორვატიამ ჩეხეთი დაამარცხა და ეს უკანასკნელი ტურნირს დაემშვიდობა.
უნგრეთი – ესპანეთი 64:87 (10:22; 19:19; 17:19; 18:27)
ჩეხეთი – ხორვატია 69:107 (17:28; 23:26; 20:24; 9:29)
მონტენეგრო – რუმინეთი 86:69 (24:19; 18:11; 24:23; 20:16)
სატურნირო მდგომარეობა
| 1. | ესპანეთი | 5 | 5 | 0 | 0 | 0 | 449:303 | 10 | |
| 2. | ხორვატია | 5 | 4 | 0 | 0 | 1 | 397:336 | 9 | |
| 3. | მონტენეგრო | 5 | 3 | 0 | 0 | 2 | 378:367 | 8 | |
| 4. | უნგრეთი | 5 | 2 | 0 | 0 | 3 | 335:370 | 7 | |
| 5. | ჩეხეთი | 5 | 1 | 0 | 0 | 4 | 356:441 | 6 | |
| 6. | რუმინეთი | 5 | 0 | 0 | 0 | 5 | 316:414 | 5 |
1/8 ფინალი
9 სექტემბერი
სლოვენია – უკრაინა
გერმანია - საფრანგეთი
ფინეთი – იტალია
ლიტვა – საბერძნეთი
10 სექტემბერი
ხორვატია – რუსეთი
ლატვია – მონტენეგრო
სერბეთი - უნგრეთი
ესპანეთი – თურქეთი
