ტურინის “იუვენტუსის” თავდამსხმელი პაულო დიბალა “ბარსელონაში” გადასვლასთან ახლოს ყოფილა. როგორც Diario Gol-ის ინფორმაციით, არგენტინელი შემტევის ტრანსფერი ლიონელ მესის სურვილით არ შედგა.

გამოცემა ამტკიცებს, რომ ყველაფერი შეთანხმებული იყო და “იუვენტუსი” დიბალას სანაცვლოდ 120 მილიონ ევროს მიიღებდა, მაგრამ მესის კატალონური გრანდის ხელმძღვანელობისთვის ტრანსფერზე მუშაობის შეწყვეტისკენ მოუწოდა. აღნიშნულის მიზეზად კი, ესპანელ ჟურნალისტებს, მესისა და დიბალას თითქმის იდენტური სათამაშო პოზიცია მოჰყავთ. მათი ნააზრევით, ლიონელს არ სურდა გუნდში ე.წ ალტერ ეგო ჰყოლოდა.

არავინ იცის, ზემოხსენებული რამდენად შეესაბამება სიმართლეს, მაგრამ აქვე გეტყვით, რომ ესპანური მედია იმის შესახებაც წერდა, რომ ლიონელ მესი “ბარსელონასთან” კონტრაქტის გახანგრძლივებას არ აპირებს.