ევრობასკეტ 2017-ის მეორე ტურის შემდეგ A ჯგუფს ლიდერად სლოვენიის ნაკრები მოევლინა. იგორ კოკოშკოვის გაწვრთნილმა გუნდმა დაძაბულ ბრძოლაში ფინეთის ნაკრები დაამარცხა და მეორე მატჩი მოიგო.
სლოვენიამ პირველი ტაიმი ათქულიანი სხსვაობით მოიგო, მაგრამ მესამე პერიოდში ფინეთმა ჩამორჩენა ორ ქულამდე შეამცირა და მეტოქე ბოლომდე ანერვიულა – 78:81.
დღის ერთ-ერთი გამორჩეული შეხვედრა კი საბერძნეთის და საფრანგეთის ნაკრებებს შორის შედგა, რომელშიც გამარჯვება ფრანგებს დარჩათ. ფინეთთან სენსაციური მარცხის შემდეგ ისინი ძალიან მონდომებულნი იყვნენ და მეტოქე დამაჯერებლად დაამარცხეს. უკანასკნელი პერიოდის წინ საფრანგეთი 18-ქულიანი სხვაობით იგებდა, თუმცა ბერძნებმა ეს ჩამორჩენა 8 ქულამდე შეამცირეს და შეხვედრა 87:95 დასრულდა.
ფინეთი – სლოვენია 78:81 (22:22; 20:30; 21:13; 15:16)
საბერძნეთი – საფრანგეთი 87:95 (15:27; 21:28; 21:20; 30:20)
| 1. | სლოვენია | 2 | 2 | 0 | 0 | 0 | 171:159 | 4 | |
| 2. | საბერძნეთი | 2 | 1 | 0 | 0 | 1 | 177:156 | 3 | |
| 3. | პოლონეთი | 2 | 1 | 0 | 0 | 1 | 172:151 | 3 | |
| 4. | საფრანგეთი | 2 | 1 | 0 | 1 | 0 | 179:173 | 3 | |
| 5. | ფინეთი | 2 | 0 | 1 | 0 | 1 | 164:165 | 3 | |
| 6. | ისლანდია | 2 | 0 | 0 | 0 | 2 | 122:181 | 2 |
