ცოტა ხნის წინ უეფას შტაბ-ბინაში ჩემპიონთა ლიგის 2017-2018 წლების სეზონის ჯგუფური ეტაპის წილისყრა გაიმართა. ევროპის უპრესტიჟულესი ტურნირის 32 მონაწილე გუნდი 8 ქვეჯგუფში გადანაწილდა და სამი კვირის შემდეგ სანუკვარი თასისთვის ბრძოლაში ჩაებმებიან.

კალათებიდან გამომდინარე, როგორც მოსალოდნელი იყო, ძალზე საინტერესო და მათ შორის ე.წ სიკვდილის ჯგუფებიც შედგა. მაგალითად, გამორჩეულია D ჯგუფი: "იუვენტუსი", "ბარსელონა", "სპორტინგი" და "ოლიმპიაკოსი". არანაკლები სიძლიერის გამოვიდა H ჯგუფი: "რეალი", "დორტმუნდი", "ტოტენჰემი" და "აპოელი".

სხვა მხრივ კი, ჯგუფური ეტაპი შემდეგნაირად დაკომპლექტდა:

A ჯგუფი

"ბენფიკა" (პორტუგალია)

"მანჩესტერ იუნაიტედი" (ინგლისი)

"ბაზელი" (შვეიცარია)

ცსკა (რუსეთი)

B ჯგუფი

"ბაიერნი" (გერმანია)

"პარი სენ ჟერმენი" (საფრანგეთი)

"ანდერლეხტი" (ბელგია)

"სელტიკი" (შოტლანდია)

C ჯგუფი

"ჩელსი" (ინგლისი)

"ატლეტიკო" (ესპანეთი)

"რომა" (იტალია)

"ყარაბაღი" (აზერბაიჯანი)

D ჯგუფი

"იუვენტუსი" (იტალია)

"ბარსელონა" (ესპანეთი)

"ოლიმპიაკოსი" (საბერძნეთი)

"სპორტინგი" (პორტუგალია)

E ჯგუფი

"სპარტაკი" (რუსეთი)

"სევილია" (ესპანეთი)

"ლივერპული" (ინგლისი)

"მარიბორი" (სლოვენია)

F ჯგუფი

"შახტარი" (უკრაინა)

"მანჩესტერ სიტი" (ინგლისი)

"ნაპოლი" (იტალია)

"ფეიენოორდი" (ჰოლანდია)

G ჯგუფი

"მონაკო" (საფრანგეთი)

"პორტუ" (პორტუგალია)

"ბეშიქთაში" (თურქეთი)

"ლაიპციგი" (გერმანია)

H ჯგუფი

"რეალი" (ესპანეთი)

"დორტმუნდი" (გერმანია)

"ტოტენჰემი" (ინგლისი)

"აპოელი" (კვიპროსი)

უეფას ჩემპიონთა ლიგის ჯგუფური ეტაპი 12 სექტემბერს დაიწყება და 6 დეკემბერს დასრულდება. რაც შეეხება პლეი-ოფებს: მერვედფინალური მატჩები სტარტს 2018 წლის 13-14 თებერვალს აიღებს, მეოთხედფინალები 3-4 აპრილს, ხოლო ნახევარფინალები 24-25 აპრილს დაიწყება. რაც შეეხება სეზონის კულმინაციას - ფინალური შეხვედრა 26 მაისს, კიევში გაიმართება.