იტალიური “მილანის” ახალწვეული ლუკას ბილია დაშავდა. როგორც “როსონერის” ვებგვერდი ოფიციალურად იტყობინება, არგენტინელ ნახევარმცველს თამაში მომდევნო ერთი თვის განმავლობაში არ შეეძლება.
ბილიას მარცხენა ფეხზე ბარძაყის დაზიანება აღენიშნება, რომელიც მან “მილანის” ერთ-ერთ ვარჯიშზე მიიღო.
შეგახსენებთ, ლუკას ბილია “მილანმა” მიმდინარე სატრანსფერო ფანჯრისას დაიმატა რომის “ლაციოსგან” და სამიწლიანი კონტრაქტი გაუფორმა. ჯერჯერობით სამხრეთამერიკელის დებიუტი შავ-წითელთა რიგებში არ შემდგარა.
