"ნორვიჩის" აწ უკვე ყოფილი შემტევი ჯეიკობ მარფი კარიერას "ნიუკასლში" გააგრძელებს. აღნიშნული ინფორმაცია "კაჭკაჭების" ოფიციალურმა ვებგვერდმა გაავრცელა. ჯერჯერობით უცნობია თუ რამდენწლიანი კონტრაქტი გააფორმა 22 წლის ინგლისელმა.

მარფი "ნორვიჩის" აკადემიის აღზრდილი ფეხბურთელია და უკვე 6 გუნდში მოასწრო იჯარის წესით თამაში. გასულ სეზონში ინგლისელმა ჩემპიონშიფში 37 მატჩი ჩაატარა და 8 გოლი გაიტანა. ასევე ჯეიკობი მიმდინარე წელს 21-წლამდელთა ნაკრებთან ერთად ევროპის ჩემპიონატზე ასპარეზობდა და გუნდს ნახევარფინალამდე მისვლაში დაეხმარა.