ფრანგული პსჟ-სა და იტალიის ნაკრების ნახევარმცველი მარკო ვერატი კატალონიის “ბარსელონაში” გადასვლას ყველანაირი გზით ცდილობს. Mundo Deportivo-ს ინფორმაციით, 24 წლის ნახევარმცველი პარიზულ გუნდში ვარჯიშზე უარს აცხადებს თუ კლუბი მის ესპანეთში გასხვისებას არ დასთანხმდება.
აღნიშნულ თემაზე უნაი ემერისაც ჰკითხეს, რომელმაც არაფერი გამორიცხა:
“პსჟ 15 ივლისს აშშ-ში შეკრებაზე გაემგზავრება ვერატისთან ერთად ან მის გარეშე”, - აღნიშნა ესპანელმა.
შეგახსენებთ, ვერატის “ბარსელონაში” გადასვლის შესახებ კარგა ხანია საუბრობენ. გავრცელებული ცნობით, “ბლაუგრანა” იტალიელში 100 მილიონი ევროს გაღებას გეგმავს.
აქვე გეტყვით, რომ მარკო ვერატი პსჟ-ში 2012 წლიდან მოყოლებული თამაშობს და ევროპაში თავის პოზიციაზე ერთ-ერთი საუკეთესოდ მიიჩნევა.
