იტალიაში, ვეტერანთა მსოფლიოს პირველობაზე მყოფმა საქართველოს კალათბურთელთა ნაკრებმა ჯფუფში მეორე მატჩიც მოიგო და პლეი ოფის საგზური მოიპოვა. ქართველებმა, რომლებიც ქალაქ მონტეკატინიში იმყოფებიან, სადებიუტო მატჩში ჩეხეთის ნაკრები 86:40 გაანადგურეს, გუშინ კი არანაკლები დღე კოლუმბიას აყარეს და სამგუნდიან ჯგუფში პირველი ადგილი დაიკავეს.

ჩვენმა ვეტერანებმა, რომლებიც იტალიაში შემდეგი შემადგენლობით არიან - ნოდარ ქორქია (მთავარი მწვრთნელი), გია ბერუაშვილი, გულივერ ახალკაცი, ალექსანდრე ფერიაშვილი, ლევან წულაია, დავით გიორგობიანი, დავით ჩიხლაძე, გია სანაძე, ზურა კობახიძე, ზაზა ღონღაძე, პაატა გურასპაული და ზაზა ცაგარეიშვილი, კოლუმბიელებს 78 ქულით - 118:40 სძლიეს და ტურნირის საუკეთესო 12 გუნდში მოხვდნენ.

პლეი ოფში ქართველებს არ გაუმართლათ და მეტოქედ შარშანდელი ჩემპიონი, წლევანდელი მსოფლიო პირველობის მასპინძელი ერგოთ. აღნიშნული მატჩი დღეს, თბილისის დროით, გვიან ღამით გაიმართება.

gbf.ge