მადრიდის „რეალის“ მთავარი მწვრთნელის ზინედინ ზიდანის შვილი, ენცო კარიერას „დეპორტივო ალავესში“ გააგრძელებს. როგორც ესპანური კლუბის ვებგვერდი ოფიციალურად იტყობინება, 22 წლის ფეხბურთელმა „ალავესთან“ 3 წლიანი კონტრაქტი გააფორმა.
ენცო ზიდანი მადრიდის „რეალის“ აკადემიაში ირიცხებოდა, თუმცა მთავარ გუნდში თავის გამოჩენის საშუალება თითქმის არ ეძლეოდა.
გასულ სეზონში სამეფო თასზე ერთადერთი მატჩი „ლეონესას“ წინააღმდეგ ჩაატარა და გოლიც გაიტანა.
