საქართველოს ნომერ პირველი ჩოგბურთელი ნიკოლოზ ბასილაშვილი ლონდონის ტურნირზე იასპარეზებს. ძირითად ბადეში მსოფლიოს რეიტინგის 55-ე პოზიციაზე მყოფი ქართველის მეტოქე ჟილ მიულერი იქნება. აღნიშნული მოთამაშეები ერთამანეთს მხოლოდ ერთხელ, გასულ წელს მეცის ტურნირზე შეხვდნენ და ლუქსემბურგელმა მეტოქე 6:4, 6:2 დაამარცხა.
მიულერი ამჟამად მსოფლიოს რეიტინგში 28-ე ადგილზეა, თუმცა მიმდინარე კვირაში ჰერცოგენბოშის ტურნირის ფინალში გავიდა და განახლებულ რეიტინგს 26-ე პოზიციაზე შეხვდება, რაც მისთვის კარიერაში საუკეთესო მაჩვენებელია. ბასილაშვილის და მიულერის დაპირისპირება 19 ივნისს 13:00 საათზე დაიწყება.