“მონაკოს” თავდამსხმელი რადამელ ფალკაო კოლუმბიის ნაკრების ყველა დროის საუკეთესო ბომბარდირი გახდა. 31 წლის ფორვარდმა ესპანეთის ნაკრებს გუშინ ჩატარებულ ამხანაგურ მატჩში გაუტანა და ეს მისი 26-ე გოლი იყო ნაკრებში.

ფალკაომ არნოლდო იგუარანას გადაასწრო, რომელსაც 25 გოლი აქვს გატანილი.

რადამელ ფალკაოს დებიუტი კოლუმბიის ნაკრებში 2007 წელს შედგა. 26 გოლის გასატანად მას 65 შეხვედრის ჩატარება დასჭირდა.