საქართველოს ნომერ პირველმა ჩოგბურთელმა ნიკოლოზ ბასილაშვილმა ჩეხურ ჩელენჯერზე წარუმატებლად იასპარეზა. პირველ წრეში ფავორიტად შერაცხული ბასილაშვილი ამერიკელ ტენის სანდგრენთან 2:6, 4:6 დამარცხდა. ამერიკელი ჩოგბურთელი რეიტინგის 111-ე ადგილზე იმყოფება, ბასილაშვილი კი ლაივ-რეიტინგში 54-ე პოზიციაზეა.

პირველი სეტის წაგების შემდეგ, ნიკა მეორე პარტიაში თითქოს უფრო მობილიზებული ჩანდა, რამაც შედეგი გამოიღო და ორი ბრეიკით 4:1 დაწინაურდა. თუმცა ის თითქოს უმოტივაციოდ თამაშობდა, რამდენიმე ბურთს არც კი გაეკიდა, რისი აღების რეალური შესაძლებლობა ჰქონდა. ზედიზედ 5 გეიმის წააგო, აქედან სამი თავისი ჩაწოდება იყო. ნიკას მეტოქეს რაც შეეხება, ამერიკელი რბილად რომ ვთქვათ დაბალი კვალიფიკაციის ჩოგბურთელია, აღნიშნულ შეხვედრაში ბასილაშვილს ერთადერთი ჩაწოდებით სჯობდა.