ყოფილი ფრანგი მეკარე მიკაელ ლანდრო “ლორიანის” მთავარი მწვრთნელი გახდა, აღნიშნულ ინფორმაციას კლუბის ოფიციალური ვებგვერდი ავრცელებს. წყაროს ცნობით, 38 წლის სპეციალისტმა კლუბთან კონტრაქტი 3+1 სისტემით გააფორმა.
“ეს დიდებული გამოწვევაა, იმედი მაქვს ყველაფერი კარგად იქნება”- განაცხადა ხელშეკრულების გაფორმების შემდეგ ლანდრომ.
ლანდროს 1996-2014 წლებში “ნანტში” პსჟ-ში, “ლილში” და “ბასტიაში” უთამაშია. 11 მატჩში დაუცავს საფრანგეთის ეროვნული ნაკრების კარი. სამწვრთნელო კარიერა კი 2016 წელს დაიწყო და გასულ სეზონში პსჟ-ს მთავარი მწვრთნელის ასისტენტი გახლდათ.
