საქართველოს ფეხბურთის ფედერაცია 2017 წლის ევროპის 19-წლამდე ჩემპიონატისათვის მოხალისეთა შერჩევას იწყებს.

თუ ხარ 16 წლის და მეტის, გსურს მიიღო უნიკალური გამოცდილება და და გახდე საქართველოში დაგეგმილი დიდი საფეხბურთო მოვლენის თანამონაწილე, ჩამოტვირთე სააპლიკაცო ფორმა, შეავსე სრულად და არაუგვიანეს 15 ივნისისა გაგზავნე მისამართზე volunteersu19@gff.ge

გთხოვთ აპლიკაციის ფორმა ჩამოტვირთოთ აქ და გახსნათ ამ პროგრამით: Adobe Acrobat Reader

მოხალისეთა შერჩევა მათ მიერ შევსებული აპლიკაციების მიხედვით და გასაუბრების საფუძველზე მოხდება.

2-დან 15 ივლისის ჩათვლით, მოხალისეები აქტიურ მონაწილეობას მიიღებენ ამ დიდი საფეხბურთო მოვლენის ორგანიზებაში.

19-წლამდე საფეხბურთო ნაკრებთა ევროპის ჩემპიონატის მატჩები თბილისსა და გორში გაიმართება. ევროპის ჩემპიონის ტიტულისთვის რვა ნაკრების - საქართველოს, პორტუგალიის, შვედეთის, ჰოლანდიის, ინგლისის, გერმანიის, ბულგარეთისა და ჩეხეთის ახალგაზრდა ვარსკვლავები იბრძოლებენ.

დამატებითი ინფორმაციისათვის, შეგიძლიათ დაგვიკავშირდეთ : 597084074

სფფ-ის პრესსამსახური