საფრანგეთის ეროვნული ნაკრების მთავარმა მწვრთნელმა დიდიე დეშამმა ივნისში გასამართი მატჩებისთვის 26 ფეხბურთელი გამოიძახა. "მამლების" დამრიგებელმა გაფართოებულ სიაში მადრიდის "რეალის" თავდამსხმელი ქარიმ ბენზემა კვლავ არ შეიყვანა.

საფრანგეთი 2 და 13 ივნისს ამხანაგურ შეხვედრებს პარაგვაის და ინგლისის ეროვნულ ნაკრებებთან გამართავს. 9 ივნისს კი დეშამის გუნდი შვედეთთან მსოფლიოს ჩემპიონატის შესარჩევი ეტაპის მატჩს გამართავს.

საფრანგეთის ფეხბურთის ფედერაციის ოფიციალური ვებგვერდის ინფორმაციით, დეშამის რჩეულთა სია შემდეგნაირად გამოიყურება:

მეკარეები: ალფონს არეოლა (პსჟ), ბენუა კოსტილი ("რენი"), უგო ლორისი ("ტოტენჰემი").

მცველები: ლუკა დინი ("ბარსელონა"), კრისტოფ ჟალე ("ლიონი"), პრესნენ კიმპემბე (პსჟ), ლორან კოშელნი (ლონდონის "არსენალი"), ბენჟამინ მენდი ("მონაკო"), სამუელ უმტიტი ("ბარსელონა"), რაფაელ ვერანი ("რეალი"), კურტ ზუმა ("ჩელსი"), ჯიბრილ სიდიბე ("მონაკო").

ნახევარმცველები: პოლ პოგბა ("მანჩესტერ იუნაიტედი"), ნგოლო კანტე ("ჩელსი"), ბლეზ მატუიდი (პსჟ), ადრიენ რაბიო (პსჟ), ფლორიან ტოვენი ("მარსელი"), მუსა სისოკო ("ტოტენჰემი"), კორანტინ ტოლისო ("ლიონი"), დიმიტრი პაიეტი ("მარსელი"), ტომა ლემარი ("მონაკო").

თავდამსხმელები: უსმან დემბელე ("დორტმუნდი"), ალექსანდრ ლაკაზეტი ("ლიონი"), ოლივიე ჟირუ ("არსენალი"), კილიან მბაპე ("მონაკო"), ანტუან გრიზმანი ("ატლეტიკო").