დღეს გამართულ ფიფას ბიუროს საბჭოზე, აღნიშნული ორგანიზაციის პრეზიდენტი 6 კონფერენციის ხელმძღვანელებს ციურიხში შეხვდა და 2026 წლის მუნდიალის საკითხი განიხილეს.

როგორც იცით, 2026 წლიდან მსოფლიოს ჩემპიონატზე მონაწილე გუნდების რაოდენობა 32-დან 48-მდე იზრდება. შესაბამისად, კონფერედერაციებს ადგილი ემატებათ და საუბარიც სწორედ ამაზე იყო. მხარეები შეთანხმდნენ და ამის რატიფიცირება 9 მაისს მანამაში (ბაჰრეინი) იგეგმება.

2026 წლის მსოფლიოს ჩემპიონატზე ითამაშებენ:

ევროპიდან: 16 გუნდი

აფრიკიდან: 9 გუნდი

აზიიდან: 8 გუნდი

ჩრდილოეთ ამერიკიდან: 6 გუნდი

სამხრეთ ამერიკიდან: 6 გუნდი

ოკეანეთიდან: 1 გუნდი

მასპინძელი ქვეყანა ავტომატურად მოიპოვებს მუნდიალის საგზურს, თუმცა ის საგზურს საკუთარი კონფედერაციის კვოტადან მიიღებს. დარჩენილი ორი საგზურის მფლობელის ვინაობა კი, ფლეი-ოფის საშუალებით გახდება ცნობილი.