ტურინის „იუვენტუსისა“ და იტალიის ეროვნული ნაკრების კაპიტანმა ჯანლუიჯი ბუფონმა წარმოუდგენელ ციფრს მიაღწია და პროფესიონალურ კარიერაში საიუბილეო, მეათასე შეხვედრა ჩაატარა. ჯიჯიმ ასეთი შედეგი გუშინ, ალბანეთის ნაკრებთან მატჩში დააფიქსირა (2:0).

აღსანიშნავია, რომ ბუფონი გუშინვე ტოპ ხუთი ჩემპიონატების ფეხბურთელებიდან გახდა პირველი, ვისაც ეროვნული ნაკრების რიგებში 168 თამაში ჩაუტარებია. აქამდე ბუფონი და კასილიასი იყოფდნენ 167-167 მატჩით ამ წოდებას, მაგრამ ახლა იტალიელი პირველ ადგილზე გადავიდა.

აქვე გეტყვით, ბუფონის კარიერაში 1000 მატჩი როგორ ნაწილდება: „იუვენტუსი“ – 612, „პარმა“ – 220, იტალიის ნაკრები - 168.