საქართველოს კალათბურთელთა ეროვნული ნაკრებისა და "გოლდენ სტეიტ უორიორზის" მოთამაშე ზაზა ფაჩულია კევინ დურანტის ტრავმას სოციალურ ქსელში გამოეხმაურა. ფაჩულია თანაგუნდელის დაზიანების გამო იმედგაცრუებულია და მას მალე გამოჯანმრთელებას უსურვებს:
"ჩემზე მეტად არავინაა იმედგაცრუებული კევინ დურანტის ტრავმის გამო. მაგრამ, იგი დაბრუნდება უფრო ძლიერი და ძალიან სწრაფად - მალე გამოჯანმრთელდი ჩემო ძმაო", - დაწერა ფაჩულიამ.
შეგახსენებთ, ზაზა ფაჩულია "ვაშინგტონთან" მატჩის დროს დურანტს უნებლიედ დაეჯახა და ამერიკელმა ვარკვლავმაც ტრავმა მაშინ მიიღო. კევინ დურანტს ოთხი კვირა გაუცდება.
