“გოლდენ სტეიტის” ცენტრმა ზაზა ფაჩულიამ “კლიპერსთან” 123:113 მოგებულ მატჩში 4 დაფარება შეასრულა, რაც ნაციონალურ საკალათბურთო ასოციაციაში მის 14-წლიან კარიერაში საუკეთესო შედეგია.

აქვე გაგაცნობთ სხვადასხვა კომპონენტში ფაჩულიას უმაღლეს სტატისტიკურ მიღწევებს:

ზაზას ყველაზე მეტი, 54 წუთი 2012 წელს, “იუტა ჯაზის” წინააღმდეგ აქვს ნათამაშები. 27 ქულა 2007 წელს “ვაშინგტონთან” მატჩში მიითვალა. 21 მოხსნა ორჯერ აქვს შესრულებული - ბოლოს 2014 წელს “მინესოტასთან”. მეტოქის ფარზე ყველაზე მეტი, 18 მოხსნა 2015 წელს “ბრუკლინთან” ჩაიწერა აქტივში, რაც XXI საუკუნეში ნბა-ს რეკორდია. საკუთარ ფარზე 16 მოხსნა 2015 წელს “პორტლენდთან” შეასრულა. 10 შედეგიანი გადაცემა 2014 წელს “მინესოტასთან” დაარიგა. 5 ჩაჭრა სამჯერ აქვს შესრულებული, ბოლოს - 2016 წელს “საკრამენტოსთან”. 12 საჯარიმო სროლა “ტორონტოსთან” 2006 წელს ჩააგდო. ისიც უნდა ითქვს, “კლივლენდთან” 2006 წელს 8 დაკარგვა რომ ჰქონდა.