საქართველოს ვაჟ კალათბურთელთა 26-ე ეროვნული ჩემპიონატის მესამე წრის მესამე ტური აუტსაიდერების, „ოლიმპის“ და „მგზავრების“ შეხვედრით დასრულდა.

ამ შეხვედრამდე ორივე გუნდს 19-19 ქულა ჰქონდათ და 8-გუნდიან ჩემპიონატში მე-7-მე-8 ადგილებს ინაწილებდნენ. მიმდინარე ჩემპიონატში „მგზავრები“ სულ აუტსაიდერი იყო, მაგრამ მესამე წრეში ზედიზედ მოგებული 2 შეხვედრის შემდეგ „ოლიმპს“ წამოეწია. დღეს კი მეშვიდე ადგილზე გასვლის შანსი მიეცა, მაგრამ ეს შანსი ვერ გამოიყენა, 79:73 დამარცხდა და ისევ გამოკვეთილი აუტსაიდერია.

როგორც მოსალოდნელი იყო შეხვედრა დაძაბული გამოდგა. გარდამავალი უპირატესობით მიმდინარე პირველი ტაიმი „მგზავრებმა“ 1 ქულის სხვაობით 35:34 მოიგო. სრულიად განსხვავებული სცენარით წარიმართა მესამე მეოთხედი. მაშინ როცა პირველმა ტაიმმა გარდამავალი უპირატესობით ჩაიარა მესამე მეოთხედში „ოლიმპი“ სრულ უპირატესობას დაეუფლა და დროის ეს მონაკვეთი 14 ქულის სხვაობით 26:12 მოიგო და წინ გასვლაც მოახერხა. მეოთხე მეოთხედში მართალია „მგზავრები“ გამოფხიზლდა, უპირატესობასაც დაუეფლა, მაგრამ მატჩის გადარჩენა ვეღარ შეძლეს. როგორც უკვე ავღნიშნეთ, 79:73 გაიმარჯვა „ოლიმპმა“ და მეშვიდე ადგილი შეინარჩუნა.

ამ შეხვედრაში ყველაზე მეტი 25 ქულა „მგზავრების“ ამერიკელმა ლეგიონერმა კორი ალენმა დააგროვა. „ოლიმპს“ ყველაზე მეტი ქულა რეზო როგავამ მოუტანა, რომლის ანგარიშზეც 21 ქულაა.

მგზავრები - ოლიმპი 73:79 (22:19, 13:15, 12:26, 26:19)

1	დინამო	17	17 / 0	1513 / 1217	34
2	ქუთაისი	17	13 / 4	1356 / 1260	30
3	რუსთავი	17	10 / 7	1335 / 1339	27
4	კაკტუსი	17	7 / 10	1355 / 1439	24
5	სოხუმი	17	7 / 10	1419 / 1463	24
6	ბათუმი	17	6 / 11	1293 / 1335	23
7	ოლიმპი	17	5 / 12	1180 / 1263	22
8	მგზავრები	17	3 / 14	1241 / 1376	20

მესამე წრის მორიგი, მეოთხე ტური 22 თებერვალს დაიწყება და 24-ში დასრულდება.