საქართველოს ფეხბურთის ფედერაციის აღმასრულებელმა კომიტეტმა დღეს გამართულ სხდომაზე საქართველოს 2017 წლის XXIX ჩემპიონატისა და დავით ყიფიანის სახელობის თასის XXVIII გათამაშების დებულება დაამტკიცა.

დამტკიცდა 15, 17 და 19 წლამდელთა ასაკობრივი ლიგების 2017 წლის გათამაშების დებულებაც.

დღესვე აღმასკომის წევრები სფფ-ის ლიცენზირების მენეჯერისგან 2017 წლის ლიცენზირების პროცესის შედეგებს გაეცნენ.

„მოგეხსენებათ, 2017 წლის სეზონი 4 მარტს დაიწყება და შარშანდელი ჩემპიონი, „სამტრედია“ საშინაო შეხვედრაში ქობულეთის „შუქურას“ უმასპინძლებს. აგრეთვე, დამტკიცდა თასის გათამაშების ფორმატი. თასის გათამაშება 2 მარტს აიღებს სტარტს. პირველ საკვალიფიკაციო ეტაპზე, რომელიც 3 ეტაპისაგან შედგება, მონაწილეობას მიღებს 60 გუნდი, ხოლო რანგით პირველი და მეორე ლიგის გუნდები მეთექვსმეტედფინალური ეტაპიდან შეუერთდებიან თასის გათამაშებას. ასევე 2, 6 და 10 მარტს ჩატარდება საკვალიფიკაციო ეტაპები, რომლებიც იმ 12 გუნდს გამოავლენს, რომელიც 15 მარტიდან მეთექვსმეტედფინალურ ეტაპზე ჩაერთვებიან 20 გუნდთან ერთად. გასული სეზონის მსგავსად შემდეგ ეტაპზე გამსვლელი გუნდები ერთმატჩიანი დაპირისპირებით გამოვლინდებიან“- განაცხადა დავით მუჯირმა.

სფფ-ის პრესსამსახური