ა-ლიგის მესამე ტურის მეორე შეხვედრაში ერთმანეთს დაუპირისპირდნენ ერთ-ერთი ლიდერი ,,ტიტები’’ და თსუ-ჰიუნდაი, რომელიც ლიდერს ამ შეხვედრამდე ერთი ქულით ჩამორჩებოდა.
მატჩის დასაწყისი თსუ-ჰიუნდაის კარგს არაფერს უქადდა, რადგან ,,ტიტები’’ პირველივე წუთებზე 9:0 დაწინაურდნენ. ამის შემდეგ სტუდენტებმა მოაწყვეს ცხრა ქულიანი გაქცევა და სულ რაღაც ორ წუთში ანგარიში გაათანაბრეს-9:9. პირველი მეოთხედის დარჩენილმა დრომ გარდამავალი უპირატესობით ჩაიარა, რომელიც მასპინძლებმა ერთი ქულის სხვაობით 17:16 მოიგეს.
მეორე მეოთხედში თსუ-ჰიუნდაის უპირატესობა კიდევ უფრო აშკარა გახდა, რომელმაც პირველი ტაიმი 37:30 მოიგო.
მეორე ტაიმში სტუდენტებმა შეძლეს მოპოვებული უპირატესობის შენარჩუნება გაიმარჯვეს 77:71 და ახლა ხუთი ქულით ,,ტიტებთან’’ ერთად მეორე - მესამე ადგილებს ინაწილებენ.
ამ შეხვედრაში 21-21 ქულით ყველაზე შედეგიანები სანდრო სანაძე (თსუ-ჰიუნდაი) და არმანი ფლამინგანი (,,ტიტები) იყვნენ. ორმაგი დუბლი თსუ-ჰიუნდაის ამერიკელმა ლეგიონერებმა კრისტოფერ ანდერსონმა (16 ქ. 15 პ.) და კრისტოფერ გაბრიელმა (12 ქ. 12 მ.) შეასრულეს.
თსუ-ჰიუნდაი - ,,ტიტები’’ 77:71 (17:16, 20:14, 20:17, 20:240)
| 1 | მარნეული | 3 | 3 / 0 | 225 / 215 | 6 |
| 2 | თსუ-ჰიუნდაი | 3 | 2 / 1 | 224 / 195 | 5 |
| 3 | არენა-76 | 3 | 2 / 1 | 239 / 230 | 5 |
| 4 | ტიტები | 3 | 2 / 1 | 227 / 205 | 5 |
| 5 | სეუ | 3 | 0 / 3 | 185 / 248 | 3 |
| 6 | წყალტუბო | 3 | 0 / 3 | 244 / 251 | 3 |
