მადრიდის “ატლეტიკოს” მთავარი მწვრთნელი დიეგო სიმეონე ესპანელ მსაჯებს აკრიტიკებს. არგენტინელი სპეციალისტის თქმით, “როხილბანკოს” ჩემპიონთა ლიგაზე მეტი შანსი აქვს გამარჯვების, ვიდრე ესპანეთში.

“ატლეტიკომ” ესპანეთის თასი დატოვა, მაგრამ თავაწეულმა – მეტოქემ ცუდად ითამაშა და ფინალშია. ფეხბურთი ასეთია. ცხადი ისაა, რომ ჩემს გუნდს გაცილებით მეტი შანსი აქვს ჩემპიონთა ლიგაზე, ვიდრე ლა ლიგასა და ესპანეთის თასზე – მსაჯების გამო”, - განაცხადა “ჩოლომ”.

შეგახსენებთ, “ატლეტიკო” სამეფო თასის ნახევარფინალში “ბარსელონასთან” ორი მატჩის ჯამში (2:3) დამარცხდა და ტურნირს გამოეთიშა. ბევრის აზრით, “კამპ ნოუზე” გამართულ საპასუხო შეხვედრაში მსაჯობა ვერანაირ კრიტიკას ვერ უძლებდა.