ავსტრალიია ღია პირველობის დასრულების შემდეგ ATP-ის რეიტინგში ბევრი ცვლილება მოხდა. განახლებული რეიტინგი დღეს გამოქვეყნდა.
ავსტრალიის ღია პირველობის ტრიუმფატორი როჯერ ფედერერი მე-17 პოზიციიდან ათეულში დაბრუნდა, მეათე ადგილზე გადავიდა. ვავრინკამ და რაონიჩმა ადგილები გაცვალეს - შვეიცარიელი მესამეა, კანდელი მეოთხე. ავსტრალიის ღია პირველობის ფინალისტმა რაფაელ ნადალმა მეცხრე ადგილიდან მეექვსეზე გადაინაცვლა. რეიტინგის პირველი ორი ნომერი უცვლელია.
საქართველოს ნომერ პირველი ჩოგბურთელი ნიკოლოზ ბასილაშვილი 92-ე ადგილიდან 89-ე პოზიციაზე გადავიდა.
ATP-ის განახლებული რეიტინგი:
- ენდი მარეი - 11 540 ქულა
- ნოვაკ ჯოკოვიჩი - 9 825
- სტანისლას ვავრინკა – 5 695
- მილოშ რაონიჩი – 4 930
- კეი ნიშიკორი - 4 830
- რაფაელ ნადალი 4 385
- მარინ ჩილიჩი – 3 560
- დომინიკ ტიმი – 3 505
- გაელ მონფილსი – 3 445
- როჯერ ფედერერი - 3 260
89. ნიკოლოზ ბასილაშვილი – 630
