ცნობილი ამერიკული სერიალის, “ფეხბურთელების ცოლების” პროდიუსერები დიდ გასაჭირში არიან ჩავარდნილნი. საკმაოდ დიდი წარმატებით გავიდა სერიალის შვიდი სეზონი. ამჟამად სერიალი შეწყვეტილია. პროდიუსერებს სურთ, სერიალი გაისად გაგრძელდეს და პრობლემაც ამ დროს წარმოიშვა.
ამერიკის სოკერის, ანუ ევროპული ფეხბურთის მოთამაშეთა პროფკაშირი მოითხოვს, რომ თუკი სერიალში რეალური ფეხბურთელები და მათი ოჯახის წევრებიც იქნებიან გამოყენებულნი, ”ფეხბურთელების ცოლების” მესვეურებს პროფკავშირი საამისოდ საკმაოდ გვარიანი თანხის გადახდას ითხოვს.
ფილმის დამფინანსებლები მტკიცე უარზე არიან და ამბობენ, რომ ამერიკული კანონმდებლობით ყველა ადამიანთან კონკრეტული კონტრაქტის გაფორმებაა ნებადართული და პროფკავშირისათვის თანხის გადახდა არც სურთ და არც არიან ვალდებულნი ეს გააკეთონ. პროფკავშირი კი იძახის, მაშინ მე მოვთხოვ ჩემს წევრებს და თქვენთან თანამშრომლობაზე უარს იტყვიანო. ახლა იქ ისეთი სიტუაციაა შექმნილი, უმალ ვეფხისა და მოყმის ქანდაკებასთან ახლოს მდებარე “საქართველოს ბანკის” სათავო ოფისის შენობა გაგახსენდება.
