მადრიდის “რეალის” მთავარ მწვრთნელ ზინედინ ზიდანს მიაჩნია, რომ კრიშტიანუ რონალდუ მადრიდის “რეალის” ისტორიაში საუკეთესო ფეხბურთელია. ამის შესახებ ფრანგმა მსოფლიოს საკლუბო ჩემპიონატის ნახევრფინალში, “ამერიკასთან” მატჩისწინა პრესკონფერენციაზე თქვა.
“რეალ მადრიდში” სხვა ფეხბურთელებიც მოვლენ, მაგრამ იმას, რასაც კრიშტიანუ რონალდუმ მიაღწია, ვერავინ მოახერხებს. ვფიქრობ, იგი საუკეთესოა “რეალის” ისტორიაში”, - განაცხადა ზიდანმა.
ფრანგმა სპეციალისტმა ისიც დააანონსა, რომ “ამერიკასთან” მატჩში ტრავმის გამო სერხიო რამოსი არ ითამაშებს:
“სერხიო რამოსს კუნთების პრობლემა აქვს. იგი არ ითამაშებს, რადგან არ გვინდა რისკზე წავიდეთ”, - დასძინა ზიზუმ.
“რეალისა” და “ამერიკას” მატჩი ხუთშაბათს, თბილისის დროით, 14:30 საათზე დაიწყება. გამარჯვებული კი, ფინალში იაპონურ “კაშიმა ანთლერსს” დაუპირისპირდება.
