ინგლისის პრემიერლიგაში ნოემბერი შეაჯამეს და საუკეთესოები გამოავლინეს. ისევე, როგორც ოქტომბერში, გასული თვის საუკეთესო მწვრთნელად “ჩელსის” იტალიელი დამრიგებელი ანტონიო კონტე გახდა. რა გასაკვირია, “არისტოკრატები” თამაშს თამაშზე იგებენ – მოგებების ზედიზედ 8-მატჩიანი სერია აქვთ.
ამავე თვის საუკეთესო ფეხბურთელად კი, კონტეს შეგირდი, დიეგო კოსტა დასახელდა. ესპანური პასპორტის მქონე ფორვარდმა ნოემბერში 2 გოლი გაიტანა და ერთი საგოლე გადაცემა შეასრულა.
სხვათა შორის, თვის საუკეთესო გოლიც “ჩელსის” ფეხბურთელმა გაიტანა: ალბიონელებმა პედროს გოლი გამოარჩიეს “ტოტენჰემის” კარში.
