უეფას ჩემპიონთა ლიგის XI ტურის საუკეთესო ფეხბურთელად კატალონიის “ბარსელონას” შემტევი არდა თურანი დასახელდა. თურქმა ფეხბურთელმა გამოკითხვა დამაჯერებლად მოიგო – ხმათა 58% ერგო, ხოლო მეორე ადგილზე გასულ რობერტ ლევანდოვსკის – 17%.

სამეულში მოხვდა ასევე ანდრეი იარმოლენკო კიევის “დინამოდან” 8%-ით.

საერთოდ კი, ხმები შემდეგნაირად გადანაწილდა:

არდა თურანი (“ბარსელონა”) – 58%.

რობერტ ლევანდოვსკი (“ბაიერნი”) – 17%.

ანდრეი იარმოლენკო (“დინამო”, კიევი) – 8%.

ქარიმ ბენზემა (“რეალი”) - 7%.

ანდრე სილვა (“პორტუ”) – 4%.

გონსალო იგუაინი (“იუვენტუსი) – 1%.

ჰარი კეინი (“ტოტენჰემი”) – 0%.

არდა თურანმა მართლაც შთამბეჭდავი შეხვედრა ჩაატარა ბოლო ტურში – “გლადბახის” წინააღმდეგ მან ჰეთ-თრიქი შეასრულა და ლიონელ მესის საგოლე გადაცემაც გაუკეთა.