კატალონიის "ბარსელონას" პრეზიდენტმა ხოსეპ მარია ბართომეუმ Radio Vision y Cadena Celeste-სთან საუბრისას განაცხადა, რომ ლუის სუარესი კლუბთან კონტრაქტს აუცილებლად გაახანგრძლივებს და "ბლაუგრანა" ამის შესახებ მალე დაანონსებს.

ურუგვაელთან კლუბს მცირე დეტალები დარჩა დასაზუსტებელი და თანამშრომლობა ამის შემდეგ გახანგრძლივდება. ახალი ხელშეკრულების მიხედვით, სამხრეთამერიკელი "კამპ ნოუზე" 2022 წლის ივლისამდე დარჩება. ჯერჯერობით სუარესის ახალი ხელფასის ოდენობა უცნობია.

მიმდინარე სეზონში ლუისმა 19 მატჩი ჩაატარა, გაიტანა 12 გოლი და 7 საგოლე გადაცემა შეასრულა.