ინგლისური “მანჩესტერ სიტის” ორი ფეხბურთელი, ფერნანდინიო და სერხიო აგუერო ინგლისის საფეხბურთო ასოციაციის სადისციპლინო კომიტეტმა მკაცრად დასაჯა - ბრაზილიელი ნახევარმცველი სამმატჩიანი დისკვალიფიკაციით, ხოლო არგენტინელი ფორვარდი – ოთხმატჩიანით.
აღნიშნული სასჯელის მიზეზი კი, პრემიერლიგის ბოლო ტურში, ლონდონის “ჩელსისთან” მიღებული წითელი ბარათებია. აგუერომ დავიდ ლუიზთან ზედმეტი უხეშობა გამოვლინა, ხოლო ფერნანდიომ ჩესკ ფაბრეგასთან ჩხუბი წამოიწყო.
სერხიო აგუერო “სიტის” “ლესტერთან”, “უოტფორდთან”, “არსენალთან” და “ჰალ სიტისთან” ვერ დაეხმარება, ხოლო ფერნანდინიო მხოლოდ ამ უკანასკნელთან შესძლებს მოედანზე გასვლას.
