საქართველოს ნაკრების ნახევარმცველ თორნიკე ოქრიაშვილს მცირედი დააკლდა, რომ რუსეთის პრემიერლიგის მე-15 ტურის საუკეთესო მოთამაშე (MVP) გამხდარიყო. championat.com-ის ვერსიით, “ოქრიმ” საბოლოო ჯამში 11 ქულა მიიღო და მეორე-მესამე ადგილები გაიყო “კრილია სოვეტოვის” ფრანგ შემტევ იოან მოლოსთან ერთად.

გამარჯვებული კი, მოსკოვის “სპარტაკის” მეკარე არტიომ რებროვი გახდა 14 ქულით.

შეგახსენებთ, ოქრიაშვილმა “ზენიტს” 94-ე წუთზე დაუვიწყარი სილამაზის გოლი გაუტანა და “კრასნოდარს” მოაგებინა. აღნიშნული გოლი კი, რუსეთის პრემიერლიგის XV ტურის და საერთოდ, პირველი წრის საუკეთესო გოლად დასახელდა. გარდა ამისა, კვირის ტოპ გოლებშიც იპირველა მსოფლიოს მასშტაბით...