“ელ კლასიკომ” შესაძლოა, არამარტო ლიონელ მესის, კრიშტიანუ რონალდუს გარეშეც ჩაიაროს. როგორც გამოცემა “ასი” გვამცნობს, პორტუგალიელ ვარსკვლავს კუნთების დაზიანება აღენიშნება და “ბარსელონასთან” 3 დეკემბერს გასამართ მატჩში მისი თამაში საეჭვოა.
ეს კი, ზინედი ზიდანისთვის უდაოდ თავსატეხი უნდა იყოს, რადგან “სამეფო კლუბს” ერთი წამყვანი ფეხბურთელი, გარეტ ბეილი უკვე ტრავმირებული ჰყავს და “კლასიკოში” უელსელი ვერ ითამაშებს.
