ამსტერდამის “აიაქსის” ნიჭიერი თავდამსხმელის, კასპერ დოლბერგის შეძენა “ევერტონს” სურს – იუწყება ცნობილი ბრიტანული გამოცემა Daily Mirror–ი.
19 წლის ფორვარდი შესანიშნავად გამოიყურება და უკვე არაერთი ევროპული გრანდი აკვირდება. ბობოლა კლუბების გარდა, დანიელი მოთამაშით “ევერტონი” ინტერესდება და “კანფეტების” ხელმძღვანელობა მზადაა, რომ ზამთრის სატრანსფერო პერიოდში მის სანაცვლოდ 23 მილიონი ევრო გაიღოს.
დოლბერგმა მიმდინარე სეზონში “აიაქსის” მაისური 21-ჯერ მოირგო, 11 გოლი გაიტანა და 4 საგოლე გადაცემა მიითვალა. მას ჰოლანდიურ გრანდთან მოქმედი კონტრაქტი 2021 წლამდე აკავშირებს.
