საქართველოს თავისუფალი სტილით მოჭიდავეთა ნაკრები "ევროპის ერთა თასზე” უმაღლეს ტიტულს დაეუფლა. რუმინეთის დედაქალაქ ბუქარესტში გამართულ პრესტიჟულ გუნდურ შეჯიბრებაზე რევაზ მინდორაშვილის გაწვრთნილმა გუნდმა ფინალის გზაზე უკრაინისა (5:3) და რუმინეთის (8:0) ნაკრებები ჩამოიშორა. გადამწყვეტ ბრძოლაში კი უმთავრეს ფავორიტს - რუსეთს აჯობა - 6:2.

საქართველოს ჭიდაობის ეროვნული ფედერაციის ფეისბუქ-გვერდის ცნობით:

57 კგ - ოთარ გოგავამ რასულ მეშეზოვს 4:1 სძლია.

61 კგ - ბექა ლომთაძე დაძაბულ შეხვედრაში 4:6 დამარცხდა ახმედ ჩაკაევთან.

65 კგ - ზურაბ იაკობიშვილმა პირველსავე პერიოდში 10:0 დაამარცხა რუსი მურად ნუხკადიევი.

70 კგ - დავით ტლაშაძემ დამაჯერებლად მოუგო ილდუს გინიატულინს.

74 კგ - ზურაბ ერბოწონაშვილმა 10:4 აჯობა ხუსეინ სიუნჩევს.

86 კგ - სანდრო ამინაშვილი დამარცხდა შამილ აბდურახმანოვთან.

97 კგ - ელიზბარ ოდიკაძემ 6:0 მოუგო ევგენი კოლომიეცს.

125 კგ - გენო პეტრიაშვილმა პირველსავე პერიოდეში სუფთად დაამარცხა ჩეჩენი ბეკხან დუკაევი.

ხვალ რუმინულ ხალიჩაზე ბერძნულ-რომაული სტილით მოჭიდავეები გავლენ. საქართველოს ნაკრების გარდა ტიტულისთვის ბრძოლაში ჩაებმებიან: რუსეთის, რუმინეთის, აზერბაიჯანის, უკრაინისა და თურქეთის ნაკრებები.