მსოფლიოს 2018 წლის ჩემპიონატის შესარჩევი ციკლის მეოთხე ტურის მატჩში პირველი ტაიმის შემდეგ საქართველოს ეროვნული ნაკრები მოლდოვას ამარცხებს. საწყის 45 წუთში საქართველოს ნაკრები უკეთ გამოიურებოდა და დამსახურებულადაც არის წინ. გოლი მე-16 წუთზე გავიდა - გიორგი ნავალოვსკის ჩაწოდების მერე საჯარიმოში გიორგი ქვილითაიამ იბრძოლა და ბურთი ვაკო ყაზაიშვილს მიუვიდა. "ლეგიას" შემტევმა კი, სტუმრებს მოჭრილ კუთხეში ლამაზი გოლი გაუტანა - 1:0 VIDEO.
"ჯვაროსნებს" გატანა მერეც შეეძლოთ: ქვილითაიას მეკარემ აუღო, გიორგი ჭანტურიას მცველმა დაუფარა ბოლო მომენტში, ხოლო თორნიკე ოქრიაშვილმა ოდნავ არაზუსტად დაარტყა. ერთი რეალური შანსო მოლდოვასაც ჰქონდა, როცა გაცკანის დარტყმა მე-4 წუთზე მცირედით ასცდა გიორგი ლორიას კარს.
