“ფიორენტინას” ნახევარმცველით მილან ბადელით ლონდონის “ჩელსი” დაინტერესდა. აღნიშნულ ინფორმაციას ცნობილი იტალიური გამოცემა Gazzetta dello sport–ი ავრცელებს.

აღნიშნული წყაროს ცნობით, ლონდონური კლუბი მზადაა, რომ ზამთრის სატრანსფერო პერიოდში 27 წლის ფეხბურთელში 9 მილიონი ფუნტი გაიღოს. “ჩელსის” გარდა, ხორვატი მოთამაშით “რომა” და “მილანი” ინტერესდებიან.

ბადელმა მიმდინარე სეზონში “იების” მაისური 11-ჯერ მოირგო და 1 გოლი გაიტანა.

მას “ფიორენტინასთან” მოქმედი კონტრაქტი 2018 წლამდე აკავშირებს.