კატალონიის “ბარსელონა” ლუის სუარესის შენარჩუნებას ცდილობს. გამოცემა mundo deportivo-ს ცნობით, “ბლაუგრანა” ურუგვაელ ფეხბურთელს ახალ კონტრაქტს სთავაზობს 2021 წლამდე. თუ წყაროს დავეყრდნობით, შეთანხმება მალე შედგება და ინფორმაციაც ოფიციალურ სახეს მიიღებს.

ესპანურმა კლუბმა სუარესთან კონტრაქტის გაგრძელება მას შემდგომ გადაწყვიტა, რაც უცხოურ მედიაში გაჩნდა ცნობები, თითქოს ურუგვაელ ფორვარდს “მანჩესტერი” და “სიტი” იწვევდნენ.

ლუის სუარესს კატალონიელებთან მიმდინარე კონტრაქტი 2018 წლის ზაფხულამდე აკავშირებს. ის “ნოუ კამპზე” 2014 წელს “ლივერპულიდან” გადაბარგდა და ესპანეთში თავი ადვილად დაიმკვიდრა. შარშან ესპანეთის ჩემპიონატის ბომბარდირიც გახდა 40 გატანილი გოლით.