ესპანური “ვალენსია” ლისაბონის “ბენფიკას” ამომავალი ვარსკვლავით გონსალო გუედეშით ინტერესდება. აღნიშნულ ინფორმაციას საფეხბურთო გამოცემა Soccernews.Com ავრცელებს.

“ღამურების” ახალ მწვრთნელს ჩეზარე პრანდელის ზამთრის სატრანსფერო პერიოდში კლუბის მაქსიმალურად გაძლიერება სურს და მისი ერთ-ერთი მთავარი სამიზნე სწორედ გუედეშია.

19 წლის მოთამაშე ძალიან ნიჭიერია. ის შემტევი ნახევარმცველია და უკან დახეულ თავდამსხმელადაც შეუძლია თამაში. გონსალო “ბენფიკას” პირველ გუნდში პირველად 2014/2015 წლების სეზონში გამოჩნდა, ხოლო გასულ სეზონში პირველი გუნდის უცვლელ წევრად ჩამოყალიბდა. მან პორტუგალიის ნაკრებშიც მოასწრო დებიუტი.

“ვალენსიას” გარდა, ახალგაზრდა მოთამაშეს “არსენალი” და “მანჩესტერ იუნაიტედი” აკვირდებიან.

გონსალომ მიმდინარე სეზონში ყველა ტურნირზე 12 შეხვედრა ჩაატარა, 1 გოლი გაიტანა და 4 საგოლე გადაცემა მიითვალა.

მას “არწივებთან” მოქმედი კონტრაქტი 2021 აქვს გაფორმებული.