ესპანეთის ეროვნული ნაკრების ყოფილ მთავარ მწვრთნელს ვისენტე დელ ბოსკეს ჩინეთიდან ფინანსურად ხელსაყრელი წინადადებით მიმართეს, თუმცა როგორც თავად 65 წლის სპეციალისტი ამბობს, ამ ფაქტისთვის განსაკუთრებული ყურადღება არ მიუქცევია და წინადადება არც კი განუხილავს.
“დიახ, ნამდვილად იყო 10 მილიონიანი შემოთავაზება ჩინეთიდან, თუმცა დაზუსტებით არ ვიცი ნაკრებიდან თუ კლუბიდან. გულახდილად რომ გითხრათ, არ დავინტერესებულვარ და ამისთვის ყურადღება არ მიმიქცევია” - აღნიშნა დელ ბოსკემ რადიო Cope-ს ეთერში საუბრისას.
