ევროპა ლიგის მე-3 სათამაშო დღეს 24 შეხვედრა გაიმართება, რომელთაგან განსაკუთრებულ ინტერესს მაინც ორი დაპირისპირება იწვევს.
“მანჩესტერ იუნაიტედი” “ოლდ ტრაფორდზე” “ფენერბახჩეს” მიიღებს და აღნიშნულ შეხვედრას ნამდვილად შეგვიძლია, რომ ჩემპიონთა ლიგის დონის შეხვედრა ვუწოდოთ, რადგანაც ამ კლუბებს შეჩვეულნი, უფრო ევროპული საკლუბო ფეხბურთის მთავარ ტურნირზე ვართ.
ორი ტურის შემდეგ A ჯგუფის ლიდერი სწორედ “ფენერბახჩეა”, რომელიც “ფეიენოორდსა” და “მანჩესტერ იუნაიტედს” თითო ქულით უსწრებს. ამიტომაც, დღევანდელი შეხვედრა სატურნირო თვალსაზრისით ძალიან მნიშვნელოვანია.
“იუნაიტედს” ბოლო დროს ნაჩვენები თამაშის გამო ბევრს აკრიტიკებენ და მიუხედავად იმისა, რომ ჟოზე მოურინიოს ევროპა ლიგა დიდად არ ანაღვლებს, ნამდვილად აღარ სურს, სკეპტიკოსებს კრიტიკის კიდევ ერთი საბაბი მისცეს. ორშაბათს “იუნაიტედს” რთული შეხვედრა მოუწია “ლივერპულთან”, ამიტომაც, პორტუგალიელი სპეციალისტი რამდენიმე ცვლილებას მოახდენს შემადგენლობაში.
თურქებმა სეზონი მძიმედ დაიწყეს და მიუხედავად იმისა, რომ ბოლო პერიოდში შედარებით დალაგდნენ, მაინც არასტაბილურად გამოიყურებიან, რისი დასტურიც, თურქეთის ჩემპიონატის გასულ ტურში “ალანიასპორთან” ნათამაშები საშინაო ფრეა (1:1). დღევანდელი საღამო გამორჩეული იქნება რობინ ვან პერსისთვის, რომელიც ყოფილი გუნდის წინააღმდეგ გაირჯება.
მასპინძლებს ტრავმის გამო ფილ ჯონსი ვერ დაეხმარება, ხოლო ენტონი მარტიალის, ჰენრიხ მხიტარიანისა და მორგან შნეიდერლენის თამაში საეჭვოა. სტუმართაგან ასევე საეჭვოა ჯერმეინ ლენსისა და ფერნანდაოს თამაში, ხოლო ზეიბეკი და თუფანი ტრავმირებულნი არიან.
ამავე ჯგუფში, ჯაბა ლიპარტიას “ზორია” გასვლაზე შესანიშნავ ფორმაში მყოფ “ფეიენოორდს” დაუპირისპირდება, რომელსაც მიმდინარე ჰოლანდიის ჩემპიონატში 9-დან 9 მოგება აქვს.
მეორე ძალიან საინტერესო შეხვედრა K ჯგუფში შედგება, სადაც ბოლო ადგილოსანი მილანის “ინტერი” საკუთარ მოედანზე ლიდერ “საუთჰემპტონს” მიიღებს. იმ შემთხვევაში, თუ “ნერაძური” კიდევ დამარცხდება, ფლეი-ოფში გასვლის შანსს ფაქტობრივად დაკარგავს. შეგახსენებთ, რომ მილანელებმა საწყის ორ ტურში ძალიან მოულოდნელად “ბირ შევასთან” და “სპარტასთან” წააგეს.
“ინტერს” რადუ ვერ დაეხმარება, ხოლო რანოკიას თამაში საეჭვოა. რაც შეეხება “წმინდანების” დანაკლისს, პიე, ტარგეტი, სედრიკი და ბუფალი დაშავებულნი არიან, ხოლო ბერტრანის საკითხი ბოლოს გადაწყდება.
დასამახსოვრებელი საღამო იქნება შოთა არველაძისთვის, რომელიც “მაკაბის” რიგებში მის ყოფილ კლუბს “ალკმაარს” დაუპირისპირდება გასვლაზე. ქართველ სპეციალისტს საფეხბურთო კარიერის ერთ-ერთი გამორჩეული პერიოდი სწორედ “აფას შტადიონზე” აქვს გატარებული და წესით, ჰოლანდიელი ქომაგები ძალიან თბილად უნდა დახვდნენ.
კიდევ ერთი ქართველის, ნიკა კვეკვესკირის გუნდი აზერბაიჯანული “გაბალა” გასვლაზე “სენტ ეტიენს” ეთამაშება. ქართველი მოთამაშე ტრავმირებულია და თამაშს ვერ შეძლებს.
ასევე თორნიკე ოქრიაშვილის გარეშე ითამაშებს “კრასნოდარიც”, რომელიც საკუთარ მოედანზე “შალკეს” მიიღებს. როგორც იცით, რუსულმა კლუბმა თორნიკეს საევროპალიგო განაცხადში დარეგისტრირება ვერ მოასწრო. თუმცა, თუ შემდეგ ეტაპზე გავლენ და რისი შანსიც ძალიან დიდი აქვთ (ორიდან ორი მოგება აქვს “კრასნოდარს”), “ოქრი” აუცილებლად დაემატება თავის კლუბს.
აღნიშნული შეხვედრების გარდა, გამოსაყოფია “სელტას” - “აიაქსის” და “რომასა” – “აუსტრიას” დაპირისპირებები. სხვა მატჩები, განსაკუთრებულ ინტერესს არ იწვევს.
ევროპა ლიგა, ჯგუფური ეტაპის III ტური
A ჯგუფი
მანჩესტერ იუნაიტედი – ფენერბახჩე
ფეიენოორდი – ზორია
| 1. | ფენერბახჩე | 2 | 1 | 1 | 0 | 2:1 | 4 | |
| 2. | ფეიენოორდი | 2 | 1 | 0 | 1 | 1:1 | 3 | |
| 3. | მანჩესტერ იუნაიტედი | 2 | 1 | 0 | 1 | 1:1 | 3 | |
| 4. | ზორია | 2 | 0 | 1 | 1 | 1:2 | 1 | |
B ჯგუფი
იანგ ბოიზი – აპოელი
ოლიმპიაკოსი – ასტანა
| 1. | აპოელი | 2 | 2 | 0 | 0 | 3:1 | 6 | |
| 2. | ოლიმპიაკოსი | 2 | 1 | 0 | 1 | 1:1 | 3 | |
| 3. | იანგ ბოიზი | 2 | 0 | 1 | 1 | 0:1 | 1 | |
| 4. | ასტანა | 2 | 0 | 1 | 1 | 1:2 | 1 |
C ჯგუფი
სენტ ეტიენი – გაბალა
მაინცი – ანდერლეხტი
| 1. | ანდერლეხტი | 2 | 1 | 1 | 0 | 4:2 | 4 | |
| 2. | მაინცი | 2 | 1 | 1 | 0 | 4:3 | 4 | |
| 3. | სენტ ეტიენი | 2 | 0 | 2 | 0 | 2:2 | 2 | |
| 4. | გაბალა | 2 | 0 | 0 | 2 | 3:6 | 0 |
D ჯგუფი
ალკმაარი – მაკაბი
დანდალკი – ზენიტი
| 1. | ზენიტი | 2 | 2 | 0 | 0 | 9:3 | 6 | |
| 2. | დანდალკი | 2 | 1 | 1 | 0 | 2:1 | 4 | |
| 3. | ალკმაარი | 2 | 0 | 1 | 1 | 1:6 | 1 | |
| 4. | მაკაბი | 2 | 0 | 0 | 2 | 3:5 | 0 |
E ჯგუფი
პლზენი – ასტრა
რომა – აუსტრია
| 1. | რომა | 2 | 1 | 1 | 0 | 5:1 | 4 | |
| 2. | აუსტრია | 2 | 1 | 1 | 0 | 3:2 | 4 | |
| 3. | პლზენი | 2 | 0 | 2 | 0 | 1:1 | 2 | |
| 4. | ასტრა | 2 | 0 | 0 | 2 | 2:7 | 0 |
F ჯგუფი
რაპიდი – სასუოლო
გენკი – ბილბაო
| 1. | გენკი | 2 | 1 | 0 | 1 | 5:4 | 3 | |
| 2. | სასუოლო | 2 | 1 | 0 | 1 | 4:3 | 3 | |
| 3. | რაპიდი | 2 | 1 | 0 | 1 | 3:3 | 3 | |
| 4. | ბილბაო | 2 | 1 | 0 | 1 | 1:3 | 3 |
G ჯგუფი
სელტა – აიაქსი
სტანდარდი – პანათინაიკოსი
| 1. | აიაქსი | 2 | 2 | 0 | 0 | 3:1 | 6 | |
| 2. | სელტა | 2 | 1 | 1 | 0 | 3:1 | 4 | |
| 3. | სტანდარდი | 2 | 0 | 1 | 1 | 1:2 | 1 | |
| 4. | პანათინაიკოსი | 2 | 0 | 0 | 2 | 1:4 | 0 |
H ჯგუფი
კონიასპორი – ბრაგა
შახტარი – გენტი
| 1. | შახტარი | 2 | 2 | 0 | 0 | 3:0 | 6 | |
| 2. | გენტი | 2 | 1 | 1 | 0 | 3:1 | 4 | |
| 3. | ბრაგა | 2 | 0 | 1 | 1 | 1:3 | 1 | |
| 4. | კონიასპორი | 2 | 0 | 0 | 2 | 0:3 | 0 |
I ჯგუფი
კრასნოდარი – შალკე
ზალცბურგი – ნიცა
| 1. | კრასნოდარი | 2 | 2 | 0 | 0 | 6:2 | 6 | |
| 2. | შალკე | 2 | 2 | 0 | 0 | 4:1 | 6 | |
| 3. | ზალცბურგი | 2 | 0 | 0 | 2 | 1:4 | 0 | |
| 4. | ნიცა | 2 | 0 | 0 | 2 | 2:6 | 0 |
J ჯგუფი
ყარაბახი – პაოკი
ლიბერეცი – ფიორენტინა
| 1. | ფიორენტინა | 2 | 1 | 1 | 0 | 5:1 | 4 | |
| 2. | პაოკი | 2 | 1 | 1 | 0 | 2:1 | 4 | |
| 3. | ლიბერეცი | 2 | 0 | 1 | 1 | 3:4 | 1 | |
| 4. | ყარაბახი | 2 | 0 | 1 | 1 | 3:7 | 1 |
K ჯგუფი
ბირ შევა – სპარტა
ინტერი – საუთჰემპტონი
| 1. | საუთჰემპტონი | 2 | 1 | 1 | 0 | 3:0 | 4 | |
| 2. | ბირ შევა | 2 | 1 | 1 | 0 | 2:0 | 4 | |
| 3. | სპარტა | 2 | 1 | 0 | 1 | 3:4 | 3 | |
| 4. | ინტერი | 2 | 0 | 0 | 2 | 1:5 | 0 |
L ჯგუფი
ოსმანლისპორი – ვილიარეალი
სტიაუა – ციურიხი
| 1. | ვილიარეალი | 2 | 1 | 1 | 0 | 3:2 | 4 | |
| 2. | ოსმანლისპორი | 2 | 1 | 0 | 1 | 3:2 | 3 | |
| 3. | ციურიხი | 2 | 1 | 0 | 1 | 3:3 | 3 | |
| 4. | სტიაუა | 2 | 0 | 1 | 1 | 1:3 | 1 |
