მადრიდის "რეალის" შემტევი ხამეს როდრიგესი კოლუმბიის ეროვნულ ნაკრებს ტრავმის გამო ვერც ურუგვაისთან მატჩში დაეხმარება. აღნიშნული ინფორმაცია კოლუმბიის ფედერაციის ოფიციალურმა ვებგვერდმა გაავრცელა.

ხამესი ეროვნულ გუნდს პარაგვაისთან მოგებულ (1:0) მსოფლიოს ჩემპიონატის შესარჩევი ეტაპის მატჩში ვერ დაეხმარა. ნაკრების მწვრთნელების გადაწყვეტილებით ფეხბურთელმა შეკრება დატოვა და ესპანეთში სარეაბილიტაციო პერიოდს გაივლის.

მიმდინარე სეზონში ხამესმა საკლუბო დონეზე 7 მატჩი ჩაატარა, გაიტანა 1 გოლი და 3 საგოლე გადაცემა შეასრულა. სანაკრებო დონეზე კი თავი თითო-თითო გოლით და საგოლე გადაცემით გამოირჩა.