იაკუტსკში გამართული საერთაშორისო ტურნირი - დმიტრი კორკინის მემორიალი ქართველი თავისუფალი სტილით მოჭიდავეებისთვის წარუმატებელი გამოდგა. ციმბირში 20-მდე ქვეყნის ნაკრები ჩავიდა. საქართველოს სახელით კი კონკურენციაში მხოლოდ ორი სპორტსმენი ჩაება: ტრისტან ჩირგაძე (57 კგ) და თორნიკე ხიდეშელი (120 კგ).
ჩირგაძემ ძირითად ბადეში აისენ პოტაპოვისა და გიორგი ოკოროკოვის ძლევის შემდეგ, მეოთხედფინალში კიდევ ერთ მასპინძელთან - ალექსანდრ პასადინთან წააგო და ჯერ ოქრო-ვერცხლისთვის ბრძოლას გამოეთიშა, ხოლო მალე ბრინჯაოს გზაც ჩაეკეტა, რადგან პასადინი ფინალამდე ვერ მივიდა.
ხიდეშელმა პირველ წრეში ვიტალი გოლოევი ჩამოიშორა. შემდეგ კი ჯერ მომავალ ჩემპიონთან - ბალდან ციჟიპოვთან წააგო, ხოლო რეპეშაჟში - უკრაინელ ალექსანდრ ხოციანოვსკისთან.
