ლონდონის “ჩელსის” იტალიელმა დამრიგებელმა ანტონიო კონტემ ინგლისის პრემიერლიგის მე-6 ტურში ლონდონურ დერბიში “არსენალთან” (0:3) მარცხის მერე ისაუბრა. აპენინელი სპეციალისტის განცხადებით, “ჩელსი” ამჟამად დიდი გუნდი მხოლოდ ქაღალდზეა და არა მოედანზე.

“ძალიან ცუდად ვითამაშეთ უძლიერესი მეტოქის წინააღმდეგ, რომელიც ფიზიკურად და ტაქტიკურად ბრწყინვალედ გამოიყურებოდა. “არსენალთან” მატჩმა დაგვანახა, რომ სამუშაო ბევრი გვაქვს – ამ მომენტისთვის ჩვენ დიდი გუნდი მხოლოდ ქაღალდზე ვართ.

მარცხის რომელიმე მოთამაშეზე გადაბრალება სისულელა – როგორც წესი აგებს მთლიანად გუნდი და ჩვენ პრობლემა მთლიანად გუნდში გვაქვს. ბიჭების ცალკეულ შეცდომებზე ასე საუბარი არ მსურს, ეს სწორი არ იქნება. უბრალოდ, უნდა ვიმუშაოთ და ბევრად მოვუმატოთ თუ გვინდა, რომ ისევ დიდი გუნდი გავხდეთ”, - თქვა კონტემ.

შეგახსენებთ, “ჩელსიმ” პრემიერლიგაში ზედიზედ მეორე თამაში წააგო და ისევ უშუალო კონკურენტთან. ერთი კვირის წინ, “არისტოკრატებს” ლონდონშივე “ლივერპულმა” აჯობა.