მადრიდის “რეალის” მთავარმა მწვრთნელმა ზინედინ ზიდანმა პრიმერადივიზიონის მეოთხე ტურში სტუმრად “ესპანიოლთან” გამარჯვების (2:0) შემდეგ ხამეს როდრიგესი შეაქო.

“მძიმე შეხვედრა გამოვიდა, რონალდუ და ბეილი გვაკლდა, მაგრამ ჩვენ მაინც გავიმარჯვეთ. ძალიან კმაყოფილი ვარ ხამეს როდრიგესის თამაშით, არამარტო იმიტომ, რომ გოლი გაიტანა. ეს მისი შეხვედრა იყო, ის მოედანზე კარგად გამოიყურებოდა, რაც გასახარია”- განაცხადა ზიდანმა.

“რეალმა” “ესპანიოლი” როდრიგესის და ბენზემას გოლებით დაამარცხა.