არგენტინის ეროვნული ნაკრების და კატალონიის "ბარსელონას" თავდამსხმელი ლიონელ მესი კლუბთან ახალ კონტრაქტს მიმდინარე სეზონში გააფორმებს. აღნიშნული ინფორმაცია "ბლაუგრანას" სპორტულმა დირექტორმა რობერტ ფერნანდესმა დაადასტურა.
"მიმდინარე სათამაშო წელს ბევრი პრობლემის გადაჭრა მოგვიწევს. რაფინიას, ბუსკეტსის, მასკერანოს და ნეიმარის შემთხვევებში ხალხს ეგონა რომ მათთან კლუბი შეთანხმებას ვერ მიაღწევდა, თუმცა ყველაფერი ჩვენს სასიკეთოდ დასრულდა. ასევე მოხარული ვარ, რომ მსოფლიოს ნომერ პირველი ფეხბურთელი ჩვენ გუნდშია და მესისთან შეთანხმებას მივაღწევთ, ამაში აბსოლიტურად დარწმუნებული ვარ." - განუცხადა შპორტ-ს "ბარსას" მაღალჩინოსანმა.
არგენტინელს "ბლაუგრანასთან" კონტრაქტი 2018 წლის ივლისამდე აკავშირებს და ჯერჯერობით უცნობია თუ რამდენი წლით გახანგრძლივდება ხელშეკრულება და რამდენ მილიონ ევროს მიიღებს ყოველწლიურად სამხრეთამერიკელი.
