სატრანსფერო ფანჯრის ბოლო დღეს ესპანურმა “ვალენსიამ” ერთბაშად ორი ფეხბურთელი დაიმატა და ორივე ცენტრალური მცველი. როგორც “ღამურების” ვებგვერდი იტყობინება, “მესტალიაზე” ამიერიდან ეზეკიელ გარაი და ელიაკიმ მანგალა ითამაშებენ.

არგენტინელმა “ვალენსიასთან” 4-წლიანი კონტრაქტი გააფორმა, ხოლო მანგალა 2017 წლის 30 ივნისამდე იჯარით დარჩება პირინეიზე.

გარაი ბოლოს სანქტ-პეტერბურგის “ზენიტში” თამაშობდა, ხოლო მანამდე სახელი ლისაბონის “ბენფიკაში” თამაშით გაითქვა. რაც შეეხება მანგალას, იგი “მანჩესტერ სიტის” საკუთრებაშია, თუმცა პეპ გვარდიოლას გეგმებში ფრანგი ვერ ჯდებოდა და ამიტომ, “ვალენსიას” მიაშურა.