იტალიის სერია A-ს ბინადარმა “უდინეზემ” ბელგიური “გენტის” კაპიტანი სვენ კუმსი დაიმატა. ამის შესახებ უდინური გუნდის ვებგვერდი ოფიციალურად იუწყება. 28 წლის ფეხბურთელი იტალიაში ერთი წელი, 2017 წლის 30 ივნისამდე დარჩება.

სვენ კუმსი ბრიუსელის “ანდერლეხტის” აღზრდილია, მაგრამ დედაქალაქურ გუნდში ფეხი ვერ მოიკიდა და მას შემდგომ ბევრი ადგილი მოიარა – “ლიერსი”, “კორტრაიკი”, “ჰერენვეენი”, “ზულტე ვარეგემი” და ბოლოს “გენტი”, რომლის რიგებშიც 2014 წლიდან თამაშობდა.