როგორც უკვე ვიუწყებოდით, დღეს საქართველოს ეროვნული საკალათბურთო ნაკრები 2017 წლის ევროპის ჩემპიონატის შესარჩევი ეტაპისთვის მზადების ციკლში მე-2 საკონტროლო მატჩს ჩაატარებს.

ბერძენი ილიას ზუროსის მიერ დარიგებული ქართველი კალათბურთელები მოსკოვის ოლქ ხიმკიში ბელარუსის ეროვნულ გუნდს გაეჯიბრებიან, კარგი სიახლე კი ისაა, რომ თამაშის პირდაპირი ტრანსლაცია საქართველოს კალათბურთის ფედერაციის ფეისბუქის ოფიციალურ გვერდზე შედგება.

მატჩი სტარტს თბილისის დროით 21:00 საათზე აიღებს. ისიც ვთქვათ, რომ გუშინ ბელარუსები მასპინძელ რუსეთს გაეჯიბრნენ და 50:103 განადგურდნენ. რუსეთის და საქართველოს დაპირისპირება 6 აგვისტოს თბილისის დროით 20:00 საათზე გახლავთ დაგეგმილი.